АНСАМБЫЛ - НЭhИЛИЭК КИЭН ТУТТУУТА.
20 сыл эттэххэ дөбөң. Бу 20 сыл устата «Дьэргэлгэн» оӄо үңкүүгэ ансаамбы- лыгар хас да көлүөнэ ыччаты үңкүү кэрэ абылаңар уҺуйааччынан культура туйгуна Зоя Иннокентьевна Потапова улэлээн кэллэ. ТөҺөлөөх элбэх бэйэ-бэйэлэригэр майгыннаспат үңкүүнү туруорбута, көрөөччүлэри үөрдүбүтэ буолуой.
Ансаамбылы төрүттээччинэн, ол саӄана директоры иитэр үлэӄэ солбуйаач- чынан, физика учууталынан улэлээбит Светлана Петровна Федорова буолар. «Дьэргэлгэн» ансаамбыл атаӄар турарыгар элбэх сыратын, сатабылын уурбута. Кини көӄүлээҺининэн 1995 сыллаахха «Дьэргэлгэн» оӄо үңкүүгэ ансаамбыла бэйэтин үлэтин саӄалаабыта. Бу мантан ыла ансаамбыл аата улууска, республикаӄа иҺиллэн барбыта. Дипломант, лауреат, гран-при үрдүк аатын ылбыта.
Хас биирдии үңкүү таңаҺа сатабыллаахтык, сиэдэрэйдик тигиллибит буоллаӄына өссө тупсар, киэркэйэр. Ансаамбыл бастакы танастарын тигэргэ оскуола учууталлара көмөлөҺөллөрө. Туох барыта ким эрэ өйөбүллээх буоллаӄына табыллар. Сүрүн өйөөччүлэринэн уруккуттан билиңңэ диэри төрөппүттэр буолаллар. Тугэнинэн туҺанан күндү төрөппүттэрбитигэр мэлдьи өйөбүл буолалларын иҺин махталбын тиэрдэбин.
Хас биирдии үңкүү туҺунан ис хоҺоонноох, көрөөччүлэри абылатар күүстээх, сүүҺүнэн оӄо бу ансаамбылга дьарыктаммытын киэн тутта кэпсиир. Манна дьарыктаммыт оӄолор студенныы да барбыттарын иҺин активнай позицияларын сүтэрбэттэр. Коллектив олоӄор тургэнник киирэллэр, уопсай тылы булаллар. Ханна да сылдьыбыттарын иҺин yҺyйааччыларын Зоя Иннокентьевнаны истиңник саныыллар.
«Дьэргэлгэн» ансаамбыл оскуолабыт, нэҺилиэкпит киэн туттуута буолар. Билигин улуус нэҺилиэктэригэр күүтүүлээх ыалдьыт буолаллар.
Зоя Иннокентьевнаӄа инникитин да өссө өр сылларга оӄолору үңкүү абылаңар уҺуйа турарыгар баӄарабыт.
С.И.Юмшанов
Эймэнийэр ээмиллэлии
Эргичийэр эрчимңит,
Эмиэ оӄо сааспыныы
Элэңнээтэ түргэнник.
Үңкүү үөрүү аргыстаах
Үчүгэйкээн халлааннааххыт
Үрдүк Долбону хайалаах
Үтүө сиргэ аналлааххыт.
OҺyop дьирим айылӄаны
Олус таптаан ойуулуугут,
Ойор тэбэр дьылӄаны
Ордороңңут улаатаӄыт.
Сылаа кууҺар сыдьаайдаах
Сындалыйбат дьулуургутун
Сырдык ыра санаалааах
Сылаас иэйии хам туттун.
Баӄарабын маннык киэҺэ
Бар дьонңут үөрүүтүн
Хас биирдиигит кэтэҺэ
Харыс үрдээн үүнүөӄүн
Баӄар хойут Табалаах
Барыгытынан киэн туттуо
Куруук көрдөөх айаннаах
Күңңүт өрүү күлүмнүө.
Юмшанова Л.И.,
Табалаах орто оскуoлатын директора
(Дьэргэлэгэн о5о ункуу ансаамбыла / [составители Потапова Л.Н., Слепцова А.В.]. - Якутск: ООО "Компания" "Дани-АлмаС", 2015.)
"Дьэргэлэгэн" ансаамбыл сырдык ыралаах.
Табалаах орто оскуолатын иитэр-үөрэтэр үлэӄэ завуҺа Светлана Петровна Федорова, учуутал, «СуҺум» ансамбль үнкүүҺүтэ Лилия Гавриловна Эверстова идеяларынан «Дьэргэлгэн» оӄо ырыаӄа-үнкүүгэ ансаамбыла тэриллибитэ, ньиргиччи үлэтин саӄалаабыта номнуо 20 сыл буолла.
Аан маңнай оӄолору сүүмэрдээҺин, дьаныардаах дьарыктааҺын, маңнайгы көстүүмнэри тигии үлэтэ саӄаламмыта...
Онтон маңнайгы туруоруллубут сюиталар, маңнайгы концертар, ансамбль паспорын тутуу, көрөөччүлэр биҺирэбиллэрин ылыы үөрүүтэ, маңнайгы ситиҺиилэр...
Бу 20 сыл устата элбэх оӄо ансамбль иҺигэр улаатта, ыкса доӄордосто, айар үлэ абылыыр күүҺүн, сыратын-сылбатын, үөрүүтүн-көтүүтүн биллэ.
Ансаамбылга уңкүүлээбит оӄолор хайа да үөрэххэ сырытталлар активнай позициялаах, түмсүүлээх, дьулуурдаах буолаллар. Үңкүү оӄону үтүөӄэ-кэрэӄэ эрэ угуйар.
Ансаамбылга үлэлээбит сылларбар үңкүү туруоруутугар, музыкатын оңорууга улаханнык табыллан үлэлэспит музыкаммынан Валерий Николаевич Степанов буолар.
Элбэх фольклорнай хайысхалаах композициялары, сюиталары туруорарбар айымньыларынан идея биэрэр, санааларын истэр дьоммунан сцена ветераннара В.И.Эверстова, В.И.Стручков этилэр.
Үңкүү көстүүмүн тигии, киэргэтии наҺаа улахан суолталааӄын киҺи эрэ өйдүүр. Мин бииргэ үлэлэспит кыргыттарым Светлана Петровна, Лилия Гавриловна итиннэ наҺаа эппиэтинэстээх, кырдьык үчүгэй иистэнньэң этилэр. Уонна ансаамбылга сылдьар оӄолордоох төрөппүттэр улахан көмөнү оңороллор. Ордук чуолаан махтал тыллары этиэхпин баӄарабын Анна Васильевна Горохова5а, Клара Степановна Горохова5а, Варвара Николаевна Прудецкаяӄа, Анна Николаевна Слепцоваӄа, Христина Афанасьевна Слепцоваӄа, Валентина Петровна Семеноваӄа, Любовь Егоровна Чукороваӄа, Елизавета Христофоровна Слепцоваӄа.
Кыра эрдэхтэриттэн ансаамбылга үңкүүлээбит, эдэр саастарыгар олохтон туораабыт оӄолорбутун Ульяна Стручкованы, Константин Слепцову, Николай Слепцову, Леонид Никитины улаханнык курутуйан туран кэриэстиэхпин баӄарабын. Кинилэр биҺиги өйдөбүнньүк хаартыскаларбытыгар, концертарбытыгар куруутун үөрэ-көтө, дайа үңкүүлүү сылдьыахтара...
«Дьэргэлгэн» ансаамбыл сырдык ыралаах, айар куттаах, дьонун-сэргэтин тапталынан уйдаран 20 сыллаах үлэтин түмүгүн көрсөр. Үңкүүгэ уҺуйбут оӄолорбун, Табалаах орто оскуолатын коллективын, директор Людмила Иннокентьевна Юмшановаӄа, директоры иитэр үлэӄэ солбуйааччы Лидия Николаевна Потаповаӄа ансаамбыл 20 сылынан эдэрдэлиибин, махтал тылларын аныыбын.
Зоя Иннокентьвна Потапова.
Саха Республикатын кулытуратын туйгуна, «Дьэргэлгэн» ансаамбыл хореограба.
(Дьэргэлэгэн о5о ункуу ансаамбыла / [составители Потапова Л.Н., Слепцова А.В.]. - Якутск: ООО "Компания" "Дани-АлмаС", 2015.)
Создание ансамбля начиналось с кружка.
Создание ансамбля «Дьэргэлгэн» начиналось с небольшого кружка, который насчитал 20 детей и заветной мечты - создать многочисленный, исключительно самобытный свой танцевальный коллектив. Табалахский наслег всегда славился талантливыми людьми, был на переднем плане во всех смотрах художественной самодеятельности.
Мы загорелись идеей создания детского ансамбля. Провели отбор талантливых детей путем проведения конкурса «Хотугу сулус» по трем возрастным группам и направлениям: групповые танцы, вокал, устное творчество. Победители конкурса стали ядром ансамбля.
Ансамбль просуществовал на самофинансирование. Устраивали различные конкурсы с участием ансамбля. На вырученные деньги купили свой первый музыкальный инструмент - синтезатор «Yamaha», усилители звука, микрофоны, материалы для костюмов. Всегда переживали за костюмы, скромные по сравнению с нынешними. Мы понимали, что в танце очень важен костюм. Хорошо подобранные в массовом танце костюмы, игра красок и линий могут способствовать хорошему впечатлению от танца. В этом нам помогала Анна Николаевна Слепцова, мастер своего дела. В костюмах, сшитых Анной Николаевной, выступают танцевальные коллективы Табалахского наслега и г. Верхоянска.
Не было предела радости когда нам директор совхоза, Атласов Гаврил Прокопьевич, принес целый мешок шкур чернобурок, голубого песца. Благодаря Гаврилу Прокопьевичу мы объездили почти весь район, участвовали во многих районных массовых мероприятиях. Иной раз, когда мы получали отказ, дети по пятам ходили за ним, и он всегда соглашался, выделял транспорт, стартовую заправку.
Благодаря поддержке коллег, родителей, руководства совхоза «Табалахский», методиста управления образования Гороховой Светланы Еремеевны состоялась презентация ансамбля в районном центре п. Батагай, где впервые заявили о себе. Презентация прошла на «ура», было много поздравлений, напутствий, пожеланий. Единственным конфузом была, остановка музыки во время исполнения молдавского танца, но ребята не растерялись, под бурные аплодисменты зрителей станцевали без музыкального сопровождения в одном дыхании до конца.
Свою лепту в создании ансамбля внесли учителя-педагоги Эверстова Лилия Гавриловна, Стручкова Ия Ильинична, Эверстов Петр Иванович, Потапова Евдокия Петровна, Степанов Валерий Николаевич. Отдельного внимания заслуживает наш музыкальный руководитель - Степанов Валерий Николаевич, учитель музыки, автор многих лирических песен. Благодаря Степанову В.Н. появилась много молодых талантов — авторов-исполнителей, которые внесли свою лепту в славную историю ансамбля. Это Валериан Стручков, Гаврил Титов, Вася Потапов, Валентин Стручков и многие другие.
В 1997 году приняли участие в республиканской ярмарке-фестивале «ТуҺулгэ». Долго и упорно готовились к выступлению, много репетировали. В рамках этого фестиваля выступали в школах города, приняли участие в конкурсе «Хотугу сулус», театрализованном представлении на стадионе «Туймаада». Было много разных встреч, обмен опытом. Мы возвратились домой дипломантами республиканского конкурса «Хотугу сулус», полные впечатлений, думали о следующих конкурсах, которые ждали нас впереди.
Гордостью ансамбля являются наши первые выпускники: Аня Потапова, Надя Потапова, Света Аммосова, Вика Слепцова, Женя Эверстов, Слава Чириков, Семен Горохов, Толя Старостин. На мой взгляд самым ярким танцором был Толя Старостин, он всегда танцевал от души, со всеми его характерными особенностями, владел хорошей пластикой. Мы всегда ставили его в пример, когда он показывал отдельные этюды, ребята на него смотрели с восхищением.
Конечно, самые яркие воспоминания - это концерты, конкурсы и поездки-туры по району, и наши чаепития с родителями после наших гастролей, где мы на свои последние заработанные деньги закатывали «пир на весь мир».
Бессменным руководителем является Зоя Иннокентьевна Потапова, отличник культуры PC(Я), человек одаренный от природы, безгранично преданный к своей профессии. И танцы в ее постановке являлись украшением всех мероприятий проводимых в селе и районе.
Сегодня «Дьэргэлгэн» - лауреат и дипломант республиканских, районных конкурсов и фестивалей.
Федорова С.П.,
п. Батагай, Верхоянский район
(Дьэргэлэгэн о5о ункуу ансаамбыла / [составители Потапова Л.Н., Слепцова А.В.]. - Якутск: ООО "Компания" "Дани-АлмаС", 2015.)
"Дьэргэлгэн" ансаамблын торуттэниитэ.
1995 сыллаахха Табалаах орто оскуолатын иҺинэн «Дьэргэлгэн» оӄо ырыаӄа, үңкүүгэ ансаамбыла тэриллибитэ. Бастаан, ансаамбылга киириэн сөптөөх оӄолору сүүмэрдээри, кылаастар икки ардыларыгар «Звезды Севера» ырыаӄа, уңкүүгэ, уус-уран ааӄыыга конкурс ыыппыппыт. Онтон субэлэҺэн, үс бөлөххө наардаан, оӄолору тумэн, мунньахха ынырбыппыт. Оӄолору туохха ыңырбыппытын эппэккэ эрэ, мин үөрэтэр кабинеппар мунньубуппут. Оӄолор сирэйдэригэр-харахтарыгар тута көстөрө «Тоӄо биҺигини ыңырдылар?», «Туох буоларый?», «Тугу гынабыт?» диэн ыйытыылар долгуталлара. Бары мустубуттарын кэннэ туох санааттан, ханнык сыаллаах, туох тэриллэн эрэрин быҺаарбыппытыгар наҺаа үөрбүттэрэ.
Ансаамбыл аатын толкуйдуурга элбэх киҺи көмөлөспүтэ. «Дьэргэлгэн» диэн ааты нэҺилиэккэ, оройуоңңа аатырбыт «Дьукээбил» ВИА аатын кытта дьүөрэлээбиппит. Онтон эмиэ Зоя Иннокентьевна салайар улахан дьон үңкүүтүн бөлөӄөр аатын бу икки аакка дьүөрэлээн «СуҺум» диэн иңэриллибитэ.
1995 сыл кулун тутар 22 күнүгэр Баатаӄайга «Дьэргэлгэн» ансаамбыл сүрэхтэниитэ, нууччалыы эттэххэ, презентация үрдүк таҺымнаахтык ааспыта. Онтон Верхоянскай куоракка, Арыылаах уонна Бөтөнкөс бөҺүөлэктэригэр гастроллаабыппыт.
Ол саӄана оскуола массыыната суох буолан, оройуонтан массыына заказтаан айаннааhын буолара, үксүгэр концертаабыт харчыбыт массыына заправкатыгар, суоппар хамнаҺыгар барара, иэскэ да киирэр тугэннэр бааллара. Ол эрээри оӄолор ырыанан, үңкүүнэн оройуон олохтоохторун үөрдэн астынан кэлэллэрэ. Кэлин сылларга олохтоох суоппар Чупров Николай Николаевич вахтовка массыынатын дьиэбит курдук саныыр буолбуппут.
Ити курдук, улуус культурнай эйгэтигэр сэнээриини таҺаарбыт, бар-дьон истин- биҺирэбилин ылбыт ансаамбыл тэриллибитэ. Биллэн туран, ансаамбылы тэрийэргэ идэтин толору баҺылаабыт хореограф уонна талааннаах музыкант наада. Оччолорго кулуупка хореограбынан үлэлии сылдьар Потапова Зоя Иннокентьевнаны ынырбыппыт. Кини айар үлэтигэр сана сүүрээни киллэриэн баӄара сылдьар кэмигэр тубэҺиннэрэн, кэпсэтии ыытыллыбытыгар, үөрэ-көтө сөбүлэспитэ. Музыканынан Васильев Гавриил Гаврильевич оскуолаӄа ырыа учууталынан үлэлиир кэмигэр буолбута. Кэлин музыканынан айылӄаттан талааннаах, ханнык баӄарар инструменнарга оонньууру дэгиттэр баҺылаабыт, Верхоянскай музыкальнай оскуолатын бүтэрбит, Валерий Николаевич Степановы көрдөспүппүт, «кыайыам cyoӄa» диэн саарбахтаан баран сөбүлэспитэ.
Үрдүкү бөлөх үңкүүҺүттэринэн Света Аммосова, Оксана Слепцова, Вика Слепцова, Надя Потапова, Сема Горохов, Женя Эверстов, Саша Старостин, Гена Рожин талыллыбыттара. Билигин бары үөрэхтээх үлэҺит дьон. Светлана Трофимовна Аммосова, Оксана Петровна Николаева, Семен Иванович Горохов үрдүк үөрэхтээх учуутал идэлэринэн үлэлээбиттэрэ ыраатта. Надежда Георгиевна Потапова Москватааӄы экономика, статистика, информатика университетын бүтэрэн Москваӄа олорор, үлэлиир. Виктория Владимировна Томская, Александр Дмитриевич Старостин медик идэтин баҺылаан Якутскайга, Покровскайга үлэлииллэр. Геннадий Яковлевич Рожин нэҺилиэккэ, оройуонңңа салайар улэҺит. Евгений Емельянович Эверстов суоппар идэлээх Табалаах орто оскуолатын улэҺитэ. Бары ыал күн күбэй ийэлэрэ, аӄалаатар аӄалара, тутаах дьон. Дойдуга перестройка кэмигэр улааппыт буолан, оӄо сайдыытыгар урукку советскай кэм идеалларыттан маппыт курдук сананан, тутах соӄус историялаах оӄо сааспытыгар ансаамбыл тэриллибитэ наҺаа үчүгэй этэ диэн ахталлар. Кэлин ансаамбылга Слава Чириков, Дима Эверстов уонна да атын уолаттар эбиллибиттэрэ.
Орто бөлөххө Аня Потапова, Валя Эверстова, Даша Попова, Мариэтта Хамхоева, Жора Лебедев, Женя Слепцов, Толя Слепцов, Олимпий Потапов, кыра бөлөххө Вера Стручкова, Лена Прудецкая, Надя Семенова, Марта Горохова, Егор Потапов, Дима Слепцов, Толя Старостин, Петя Горохов үңкүүлээбиттэрэ.
Ол кэмңэ музыкальнай оскуола суоӄа, онон күн аайы эбиэттэн киэҺэ анаммыт кыараӄас кылааска паарталары сыӄарытан дьарыктаналлара. Ханнык баӄарар үңкүүнү таңас-сап эмиэ тупсарар. Салайааччы оскуола иитэр улэӄэ завуҺа Светлана Петровна Федорова ансаамбыл көстүүмнэригэр матырыйааллары буларга элбэхтик сүүрбүтэ-көппүтэ. ТаңаҺы үңкүү ис хоҺоонугар сөп тубэҺиннэрэн, эскиҺин оңорон, субэлэҺэн быҺан, биирдии көрүңү ыксал түгэңңэ түүннэри образец тигэн, оччотооӄу учууталлары, төрөппүттэри көмөлөҺүннэрэн элбэӄи ситиҺэрбит. Ханнык баӄарар көстүүм хаачыстыбалаахтык, кичэллик тигиллэрин ордорорбут. ОҺуорун-мандарын оңорорго билиңңи курдук бэлэм киэргэллэр суохтарынан, араас өңнөөх кожа кыраҺыннарын, бьлыргы уопсай тэтэрээттэр клеенка тастарын хомуйарбыт. 30-ча уңкүүҺүт киэргэлэ тэң буоларын ситиҺээри, ол булбут аӄыйах матырыйаалбытын оӄолорго барыларыгар тиийэр гына ойуулаан, кырыйан биэрэрим.
Мин ансаамбыл бастакы төрүттэниэӄиттэн 10-тан тахса сыл үңкүү көстүүмнэрин быҺан, тигэн, ыытыллар концертар сценарийдарын суруйан элбэхтик үлэлээбитим. Бу начальнай кылааска үлэлиир учууталга син үгүс түбүктээх этэ. Эдэр эрдэхпинэ самодеятельноска үңкүүлээбитим, элбэх конкурстарга, фестивалларга кыттыбытым. Онон, оӄо кыра сааҺыттан кэрэ эйгэтин өйдүүр, дууҺатынан үтүөнү көрөн ылынар, киҺи киҺитэ буолан тахсыахтарын баӄарар буолан, ансаамбылга үгүс сырабын уурбутум.
Үңкүүнү туруоруу киэң фантазияны, культура уонна искусство историятын, норуот олоӄун-дьаҺаӄын дириңник көрөн, музыканы кытта хас биирдии хамсаныыны дьүөрэлээҺин - бу уустук, элбэх сыраны ылар үлэ. Маны толору баҺылаабыт киҺинэн Зоя Иннокентьевна буолар. Кини туруорбут, бэлэмнээбит композициялара, сиюталара дириң ис хоҺоонноохтор: төрөөбүт дойдуга таптал, тулалыыр айылӄа кэрэтинэн киэн туттуу, өбүгэ үгэстэригэр сүгүрүйүү... Ансаамбыл толорбут үңкүүлэриттэн саамай табыллыбыттарынан, мин санаабар, «Хоту дойдум», «Өбүгэм номоӄо» сюиталар, «Дуулаӄа ДьуҺаал» этно-рок бөлөх ырыатын доӄуҺуолунан «Аал уокка сүгүрүйүү» композиция, «Молдавскай», «Узбекскай», «Дьабакам тойуга», «ОҺуокай», «Алаас кыыҺа», «Турецкай» уонна кыра бөлөхтөргө анаан туруоруллубут хотугулуу үңкүүлэр араастара буолаллар.
Бу ансаамбылтан элбэх айар куттаах дьон иитиллэн тахсыбыттара. Норуокка киэңник биллибит ырыаҺыт Кеша Васильев-Лэгэнтэй, кини быраата Мичил Васильев, олохтоох мелодист Валерьян Стручков, быраата Валентин Стручков, Верхоянскай музыкальнай оскуолатын фольклорга учуутала Валентина Стручкова, «Дьолуо» вокальнай трио ырыаҺыта Яша Слепцов уо.д.а. буолаллар.
Салайааччы Светлана Петровнаны, хореограф Зоя Иннокентьевнаны, музыкант Валерий НиколаевиҺы кытта саас аайы оройуон нэҺилиэктэригэр, улуус киинигэр отчуоттуур концерт туруорарбыт. Хаста да республиканскай «Полярная звезда» телерадиофестивальга дипломант буолбуттара.
«Дьэргэлгэн» бастакы састаабыттан ыла мин үөрэппит кылааҺым оӄолоро ансаамбыл сүрүн бөлөхтөргө буолалларыттан үөрэбин. Билиңңи юбилейдаах сыл ансаамбыл үңкүүҺүттэринэн начальнай кылааска үөрэппит оӄолорум – 8 кылаастар уонна саңа «дьэргэлгэннэр» диэн ааты сүкпүт билиңңи кылааҺым оӄолоро Яна Потапова, Дина Эверстова, Кристина Слепцова, Луиза Слепцова, Сардана Слепцова, Петя Потапов, Кеша Юмшанов, Коля Слепцов, Юра Рожин, Витя Дьяконов оскуолаӄа, нэҺилиэккэ, оройуоңңа ыытыллар үгүс тэрээҺиннэргэ ситиҺиилээхтик кытталларыттан дьоллонобун.
Зоя Иннокентьевналыын туолбатах ыра санаабытынан буолар - бу хаарыаннаах элбэх, үчүгэй үңкүүлэр хамсаныыларын сурукка тиҺэн кинигэ оңорон таҺаарыы.
Күндү Зоя Иннокентьевнаны, Светлана Петровнаны, «Дьэргэлгэн» ансаамбыл бары үңкүүҺүттэрин тапталлаах ансаамбылбыт үбүлүөйүнэн истиңник эӄэрдэлиибин.
Ансаамбыл салайааччылара, айымньылаах улэӄит хаҺан да уӄараабатын, оӄо-аймах сайдарын туҺугар кэскиллээх улэӄит өссө сайыннын!
«Дьэргэлгэн» ансаамбыл инники көлүөнэ бары үңкүүҺүттэрэ, тапталлаах ансаамбылбыт куруу- тун оӄо сааскыт саамай кэрэ түгэннэрин саната сырыттын!
Билиңңи көлүөнэ үңкүүҺүттэрэ, дьоллоох оӄо сааскыт сырдык, ыраас күннэрэ үксүү турдун!
Эверстова Лилия Гавриловна,
алын cyhyоx оскуола учуутала,
Российской Федерация норуотун уорэ5ириитин туйгуна,
«Учууталлар учууталлара»
(Дьэргэлэгэн о5о ункуу ансаамбыла / [составители Потапова Л.Н., Слепцова А.В.]. - Якутск: ООО "Компания" "Дани-АлмаС", 2015.)
20 сыллаах убулуойгутунэн э5эрдэлиибин
Потапова Зоя Иннокентьевна - бэйэтин дьыалатыгар маастар. Ол курдук, ирдэбиллээх, талааннаах идэтин толору баҺылаабыт киҺинэн ааӄабын.
1995 с. оскуола иитэр-үөрэтэр улэӄэ завуҺа, мин оскуолаӄа бииргэ үөрэммит уонна Томскайдааӄы пединститутка кини физик, мин математика идэтин бүтэрбит доӄорум Светлана Петровна Федорова идеятынан, алын кылаас учуутала Лилия Гавриловна Эверстова уонна үңкүү учуутала Зоя Иннокентьевна Потапова буолан толкуйдаан «Дьэргэлгэн» үңкүү ансаамбыла тэрийбиттэрэ.
Yгүс үчүгэй үңкүүлэр айыллыбыттара, үңкүүлэммиттэрэ. Танастарын үксүн Лилия Гавриловна эскизтарын оңорон, быҺан биэрэрэ, ону биҺиги учууталлар тигэрбит. Онтон төрөппүттэр ылсыбыттара. Светлана Петровна оӄолор таңастара барыта биир буоларын ирдиирэ, бэйэлэрин хайдах тутта-хапта, кэпсэтэ сылдьалларын көрө-истэ, үөрэтэ сылдьара. «Хотугу сулус» диэн улуустааӄы фестивальга дипломант, лауреат буолуталаабыттара.
Талааннаах оӄолору сүүмэрдээн «Дьэргэлгэн» ансаамбылга талбыттара. Улахан группаӄа үңкүүҺүттэринэн Аммосова Света, Слепцова Оксана, Слепцова Вика, Горохов Сема, Эверстов Женя, Старостин Саша ылыллыбыттара. Ортоку группада Хамхоева Мариетта, Потапова Аня, Эверстова Валя, Слепцов Толя, Потапов Олимп, Потапов Вася, Слепцов Афоня этилэр. Саамай кыра группаӄа Семенова Надя, Горохова Марта, Стручкова Вера, Прудецкая Лена, Слепцова Маша, Горохов Вася, Потапов Егор, Старостин Толя, Горохов Петя, Слепцов Дима, Слепцов Саша этилэр.
1997 с. Республикатааӄы «ТуҺулгэ» фестивальга дипломант буолбуттара. Зоя Иннокентьевна бу үлэтин иҺин махтал суругунан бэлиэтэммитэ. Ол фестивальга олохтоох автор «Дьэргэлгэн» ансаамбыл музыканан киэргэтээччи - Валерий Николаевич Степанов «Мин хоту дойдум» ырыатынан үңкүү туруорбуттара. Түмүктүүр программаӄа «Мин хоту дойдум» ырыанан Республиканскай фестиваль бары үңкүүҺүт оӄолоро «Туймаада» стадиону толору уопсай үңкүүнэн киэргэппиттэрэ.
Онтон кэлэр үңкүүҺүттэр Потапова Люба, Догоюсова Люда, Потапова Юлия, Чирикова Люба, Чирикова Лида, Семенова Наташа, Чупров Гера, Слепцов Коля, Лукин Илья, Стручков Валентин, Чириков Алеша, Атласов Костя эмиэ элбэх кэрэхсэбиллээх үңкүүнү киэргэппиттэрэ.
2003 с. мин оскуола иитэр - үөрэтэр улэӄэ завуҺунан үлэлии сылдьан Республикатааӄы «Хотугу сулус» фестивальга кыттан дипломант аатын ылбыппыт. Манна салайааччылар Зоя Иннокентьевна Потапова, Лилия Гавриловна Эверстова этилэр.
Манна кыттыыны ылбыттара Готовцева Валя, Мартынова Катя, Потапова Маша, Слепцова Жуля, Горохова Вика, Чирикова Валя, Новгородова Таня, Горохов Светик, Лукин Илья, Потапов Алеша, Эверстов Валентин, Семенов Стасик. Бу фестивальга Прасковья Васильевна Тутукарова диэн ырыаҺыт кыыс кэлэн, музыка учууталынан үлэлээн уолаттарбытын бэлэмнээн, 4 уол Слепцов Яша, Васильев Мичил, Старостин Саша уонна Семенов Стасик лауреат үрдүк аатын ылбыттара. Зоя Иннокентьевна бу сыралаах үлэтин, талаанын үрдүктүк сыаналаан, 2001 с. «СР Культуратын туйгуна» аат инэриллибитэ.
Зоя Иннокентьевна бу үңкүү кэрэ абыланар оӄолору угуйбутун 20 сыла буоларынан ис сурэхпиттэн эӄэрдэлиибин.
Елена Петровна Ефимова,
Саха Республикатын Уорэ5ин туйгуна, Табалаах орто оскуолатын математика5а учуутала
(Дьэргэлэгэн о5о ункуу ансаамбыла / [составители Потапова Л.Н., Слепцова А.В.]. - Якутск: ООО "Компания" "Дани-АлмаС", 2015.)
«Дьэргэлгэн» оӄо үңкүү ансамбла.
«Дьэргэлгэн» оӄо үңкүү ансамбла 10 сыллааӄыта кулун тутар 22 күнүгэр Табалаах орто оскуолатын иҺинэн тэриллибитэ. Ансамбль салайыыччыта, үңкүүнү туруорааччы – Саха Республикатын культуратын туйгуна, хореограф Зоя Иннокентьевна Потапова.
Үңкүү элбэх сыраны, дьоӄуру, киэң фантазияны эрэйэр уустук үлэ, киҺиэхэ кэрэни эрэ тириэрдэр, үгүс дьоңңо үтүөнү эрэ угуттуур сырдык тускуллаах. Ол да иҺин саха улуу поэттара үңкүүнү туохха-туохха холооботохторой – Саха сирин эриэккэс айалӄатыгар, ытык-мааны маҺыгар, саха киҺитэ үңэр-сүктэр көтөрүгэр-сүүрэригэр холуйа туран, төрөөбүт тыл саамай мүөттээӄинэн, иэйиилээ5инэн хоҺуйбатылар ини…
Ол курдук, «Дьэргэлгэн» ансамбль үңкүүлэрин туҺунан үгүстүк хаҺыаттарга суруллубута, хоҺооннорго хоҺуйуллубута. Ааспыт 10 сыл иҺигэр улуус биир киэн туттар ансамбла буола үүннэ. Саңаттан саңаны арыйан, айымньылаахтык үлэлээн, ансамбль араас омук үңкүүлэрин – «Молдавскай», «Узбекскай», «Нуучча көрдөөх үңкүүтэ», «Хотугу норуоттар үңкүүлэрэ», «Дьабакам тойуга», «Дэйбиирдээх», «Саха быҺаӄа», «Уһуктуу», «Дьэргэлгэн дьүрүскэнэ» уо.д.а. уоттаахтык, төлөөннөөхтүк, намыыннык-наскыччы, көтө-дайа толорон, дьону-сэргэни абылыыра. Маны таҺынан, «Дуулаӄа ДьуҺаал» этно-рок бөлөх ырыатын доӄуҺуолунан «Аал уокка сүгүрүйүү» композиция, «Дьааңы кэрэ сарсыардата» хомуҺунан дьуҺуйуу, «Хотугу кыраайым», «Өбүгэм номоӄо» сюиталар үгүс көрөөччү биҺирэбилин ылбыттара.
Бу туруоруллубут үңкүүнэн комозициялара дириң ис хоҺоонноохтор – төрөөбүт дойдуга тапталы, тулалыыр айалӄанан киэн туттууну, өбүгэ үгэҺигэр сүгүрүйүүнү, музыканы кэрэ дуорааныгар дугуйданан дьикти нарын, ардыгар дохсун хамсаныыларын ситэрэн-толорон биэрэллэр. Хас биирдии үңкүү бэйэтэ таңастаах-саптаах. Көстүүм кэрэ көстүүтэ, кини оҺуора-мандара үңкүү ис хоҺоонун чаӄылхайдык арыйар, бэйэ-бэйэлэригэр хатыламмат уратытын чорботор, үңкүүҺүттэр сүргэлэрин көтөӄөр.
Ансамбль сүҺүөӄэр туруутугар маңнайгы олугу уурсубут дьонунан оччотооӄу орто оскуола директорын иитэр үлэӄэ солбуйааччыта, ансамбль бастакы салайааччыта Светлана Петровна Федерова уонна үңкүү көстүүмнэрин оҺуорун-мандарын ойуулааччы, быҺааччы,РФ үөрэӄириитин туйгуна, алын сүҺүөх кылаас учуутала Лилия Гавриловна Эверстова буолаллар.
Айамньылаах үлэни «Дьэргэлгэн» ансамбль ылбыт ситииҺиилэрэ туоҺулууллар:
1995 с. – «Как прекрасен этот мир» оӄо айымньытын фестивалын 2-с степеннээх лауреаттара.
1997 с. – республикатааӄы «ТүҺүлгэ» дьаармарка-фестиваль лауреаттара.
1998 с. – улууска бастаан ыытыллар «Хотугу сулус» конкурс кыайыылааӄа.
2000 с. – хомусчут Ч.Е.Слепцов «Этигэр хомус» күрэӄэр «Сырдык аартык» композиция 1 степеннээх дипломант.
2001 с. – улуустааӄы «Танцует Верхоянье» үңкүү күрэӄэр 2-с миэстэ.
2003 с. – ул<