Потапова Зоя Иннокентьевна.
Зоя Иннокентьевна Потапова талаана соргуну тосхойон биэрбитин кынат оңостон, бар дьонун туҺугар эдэр көлүнэни үңкүү эйгэтигэр үөрэтии умсулӄаныгар кутун туттарбыт киҺи. Кини 1976 сыллаахха Дьокууйкайдааӄы культурнай-сырдатар училище хореографическай отделениетын бүтэрбитэ. Зоя Иннокентьевна репертуарын мэлдьи саңаттан-саңанан хаңатынан иҺэр, кэрэхсэнэр туруоруулаах, тупса суоллаах-иистээх хореограф. Кини туруорар үңкүүлэрэ дириң ис хоҺоонноохтор, көрөөччүнү абылыыр кистэлэң күүстээхтэр. Зоя Иннокентьевна норуот номоӄор, айылӄа дьикти көстүүлээхтэр. Зоя Иннокентьевна норуот номоӄор, айалӄа дьикти көстүүлэригэр олоӄуран туруорбут сюиталара, композициялара көрөөччүлэр биҺирэбиллэрин ылыахтарын ылаллар.
Зоя Иннокентьевна кэскиллэӄи ыралыыр умсугутуулаах улэ киэң аартыгын арыйан, 1995 сыллаахха «Дьэргэлгэн» үңкүү ансаамблын тэрийбитэ улуус биир киэң туттар ансамбла буола үүннэ. Ансамбльга сылын аайы 50-ча оӄо дьарыктанан, үңкүү кэрэ алыбын нөңүө төрөөбүт дойдуларын кэрэтин кэрэхсии, өбүгэ үгэҺин сүгүрүйэ үөрэнэллэр. «Дьэргэлэгэн» үңкүү ансамбла оӄолору искусство кэрэ эйгэтин үөрүйэхтэригэр күүс-көмө буолар.
Зоя Иннокентьевна үңкүүҺүт эрэ буолбакка, дьүөгэ, доӄор, дьиэ хаҺаайкатын быҺыытынан киҺи ытыктыыр киҺитэ. Кини 5 оӄо күн күбэй ийэтэ. Оӄолоро тилэхтэрэ хараарыаӄыттан күнүстэри-түүннэри дьоннорун батыҺа сылдьан, кулууп эйгэтигэр улааппыттара. Ол да иҺин, дьоннороун туйахтарын хатаран, бары үңкүү дьикти алыбын ылларбыттара.
КыыҺа Анна Владимировна Бүлүү педколледжын уонна СГУ культуроголияӄа факультетын бүтэрэн, билигин Баатаӄайдааӄы ыччат социальнай-психологическай киинин үлэҺитэ, Егор Бүлүүтээӄи педколледж физкультураӄа салаатын 3 курсун, Алеша Дьокуускайдааӄы тыа хаҺаайытыбатын техникумун правоведение салаатын 3 курсун студеннара, кыра кыыҺа Маша 11 кылаас үөрэнээччитэ, улахан уола Володя оӄо эрдэӄиттэн имбэлиит.
Үңкүү – өрүү дьон дууҺатын сылыта, истиң иэйиитинэн илгийэ, үтүөӄэ-кэрэӄэ угуйар искусство биир көрүңэ. Искусство бу үрдүк иэйиитин оӄолор дууҺаларын ылыналлар угуйар Зоя Иннокентьевна хореограф быҺыытынан сүрэӄин музыката хаҺан да уӄараабатын диэн алгыспын тиэрдиэхпин баӄарабын.
Ия Ильинична Стручкова, бииргэ үөрэммит дьүөгэтэ
(Табалахская средняя школа / [составители М.Н.Седалищев и др.]. - Якутск: Бичик, 2006. - 176 стр.